Огноо:  2025 оны 08 дугаар сарын 15-ны өдөр

Төслийн нэр: “Говьсүмбэр аймгийн Чойр хотоос Замын-Үүд хүртэлх тусгай зориулалтын авто зам барих төсөл”

Зам, тээврийн яам нь Монгол Улсын хуулийн этгээд, гадаад улсын хуулийн этгээд, түүний нэгдлийг “Говьсүмбэр аймгийн Чойр хотоос Замын-Үүд хүртэлх тусгай зориулалтын авто зам барих төсөл”-ийг өөрийн хөрөнгөөр барьж, ашиглах хөрөнгө оруулагчийг сонгон уралдаант шалгаруулалтад урьж байна.

Тус төслийн хүрээнд авто зам барьж, ашиглах гэрээ байгуулсан хуулийн этгээд, түүний нэгдэл нь өөрийн болон өөрийн боломжоор олсон хөрөнгөөр барьж, ашиглан, төсөлд оруулсан хөрөнгө оруулалтаа гэрээний хугацаанд үйл ажиллагааны орлогоос нөхөж, хугацаа дуусгавар болоход гэрээнд заасан нөхцөлөөр төрийн өмчлөлд шилжүүлнэ.

Уралдаант шалгаруулалтыг урьдчилсан болон уралдаант гэсэн үе шаттайгаар зохион байгуулна.

Урьдчилсан шалгаруулалтын баримт бичгийг энэхүү зарлалын дагуу төсөлд оролцох хуулийн этгээд, түүний нэгдлийн албан бичгээр ирүүлсэн хүсэлт, эргэн төлөгдөхгүй нөхцөлөөр баримт бичгийн үнэ болох 500,000.00 /таван зуун мянга/ төгрөг /Банк: Төрийн сан, Хүлээн авагч: Зам, тээврийн яам н.с, Дансны дугаар: MN740090100900028416/-ийг тушаасан баримтыг үндэслэн олгоно.

Уралдаант шалгаруулалтад оролцох хүсэлтэй хуулийн этгээд, түүний нэгдэл нь урьдчилсан шалгаруулалтын баримт бичигт заасны дагуу саналыг битүүмжлэн 2025 оны 09 дүгээр сарын 15-ны өдрийн 15.00 цагаас өмнө ирүүлнэ.

Уралдаант шалгаруулалтад оролцох санал ирүүлсэн этгээд саналыг хүлээн авах эцсийн хугацаа дуусахаас өмнө урьд нь өгсөн саналаа буцаан авах, эсхүл дахин санал ирүүлэх эрхтэй.

Сонирхсон хуулийн этгээд, түүний нэгдэл нь төсөлд оролцох хүсэлтээ дараах хаягаар ирүүлнэ.

Зам, тээрийн яам

Улаанбаатар хот, Сүхбаатар дүүрэг,

1 дүгээр хороо, Чингисийн өргөн чөлөө 11

Засгийн газрын XIII байр, 403 тоот

Утас:51-263208