Монгол Улсын Ерөнхийлөгчийн зарлигаар Монгол Улсын гавьяат нисгэгч цолоор Монголын агаарийн тээвэрлэгчдийн холбооны тэргүүн Л.Нямбаяр, "МИАТ" ХК-ийн агаарын хөлгийн дарга З.Энхбаяр нарыг энэ сарын 9-нд шагнажээ.

Мөн Монгол Улсын гавьяат тээвэрчин цолоор Монголын хувийн автобусны эзэд жолооч нарын холбооны тэргүүн Х.Галмандах, МУ-ын заан Д.Долгорсүрэн нар шагнагдсан байна.

Зам тээврийн салбараас төрсөн гавьяат нисгэгч, тээвэрчиддээ Зам, тээврийн хөгжлийн сайд Д.Ганбат болон тус яамны удирдлагууд хүндэтгэл үзүүллээ.