Тендер шалгаруулалтын нэр: Дорнод аймгийн Хөлөнбуйр сумын Хэрлэн голын төмөр бетон гүүр барих ажил

Тендер шалгаруулалтын дугаар: ХААГ-А-2013/XX-14

Худалдан авах ажиллагааны газар эрх бүхий тендерт оролцогчдоос “Дорнод аймгийн Хөлөнбуйр Хэрлэн голын төмөр бетон гүүрийн барилгын ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр иж бүрдэл бүрийг нь 200,000 (хоёр зуун мянган) төгрөгөөр худалдан авч болно. Тендер нь түүнийг нээсэн өдрөөс эхлэн 45 хоногийн дотор хүчинтэй байна. Тендерт оролцогч нь Санхүүгийн болон туршлагын дараах шаардлагыг хангасан байна. Үүнд:

 Борлуулалтын хэмжээ: Сүүлчийн 3 жилийн борлуулалтын орлогын нийт мөнгөн дүнгийн жилийн дундаж нь 1,500,000,000 (нэг тэрбум таван зуун сая) төгрөгөөс багагүй байна.

Түргэн хөрвөх чадвартай хөрөнгө болон авах боломжтой зээлийн хэмжээ: Гэрээний үнийн дүнгийн 20% -с багагүй байх

Аудитаар баталгаажуулсан санхүүгийн тайлан ирүүлэх жилийн тоо: Сүүлийн 3 жил (2010, 2011, 2012 он)

Сүүлийн 5 жилд хэрэгжүүлсэн ижил төстэй ажлын өртөг: Сүүлийн 5 жил буюу 2008-2012 онуудад дор хаяж нэг удаа 1,500,000,000 (нэг тэрбум таван зуун сая) төгрөгөөс багагүй үнийн дүнтэй ижил төстэй ажил (төмөр бетон гүүрийн туршлага 70%, зам угсралтын туршлага 30%-иар үнэлж тооцно) гүйцэтгэсэн байна.

Тусгай зөвшөөрөл: Төмөр бетон гүүрийн барилгын ажил гүйцэтгэх тусгай зөвшөөрлийн нотариатаар баталгаажуулсан хуулбар ирүүлнэ.

Тендерийн хамт 55,000,000 (тавин таван сая) төгрөгийн дүнтэй тендерийн баталгаа ирүүлнэ. Тендерийг 2013 оны 05 дугаар сарын 08-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2013 оны 05 дугаар сарын 08-ны өдрийн 10 цаг 20 минутанд нээнэ. Гадаадын этгээд тендер ирүүлэх эрхгүй.

Дотоодын давуу эрх тооцохгүй. Сонирхсон этгээд тендерийн баримт бичиг болон бусад мэдээллийг доорх хаягаар авч болно.

Улаанбаатар хот, Сүхбаатар дүүрэг 8 дугаар хороо Их тойруу 80/1, Худалдан авах ажиллагааны газар Нэг цэгийн үйлчилгээ, Утас: 70111090 Цахим хаяг: www.procurement.gov.mn, www.e-tender.mn www.e-procurement.mn