Зам, тээврийн яам ирээдүйн боловсон хүчнээ сургаж, бэлтгэх зорилгоор

БНХАУ-ын Бээжин хотын Зам харилцааны Их сургуулийн бакалаврын зэрэг олгох сургалтад авто зам, авто тээвэр, төмөр замын чиглэлээр сургалтын төлбөрийн 100% болон 50%-ийн тэтгэлэгтэйгээр элсэн суралцахыг урьж байна.

Жич: Элсэлтийн шалгаруулалтанд тэнцсэн суралцагч нь суралцах хугацаандаа байр болон амьжиргааны зардлаа өөрсдөө хариуцна.  

Элсүүлэх мэргэжил:

• Төмөр замын дохиолол, холбоо
• Төмөр замын тээврийн удирдлага
• Ложистикийн инженер
• Төмөр зам, барилга
• Вагоны инженер
• Механикийн инженер
• Төмөр замын цахилгаанжуулалт
• Автоматжуулалт
• Иргэний барилга
• Тээврийн удирдлага
• Авто тээврийн инженер
• Метро, ухаалаг тээврийн инженер
• Метроны байгууламж

Бүртгэл:

2014 оны 08 дугаар сарын 02, 03-ны өдрүүдэд 09.00-17.00 цагийн хооронд Зам, тээврийн яамны 110 тоотод явагдана.

Элсэгчдэд тавигдах шаардлага:

            100%-ийн тэтгэлэгт сургалтад элсэгчдийн ерөнхий эрдмийн шалгалтын босго оноо 550-аас дээш, 50%-ийн тэтгэлэгт сургалтад элсэгчдийн  шалгалтын босго оноо 500-аас дээш  байна.

            100%-ийн тэтгэлэгт сургалтад элсэгчдийн математикийн хичээлээр авбал зохих нийт онооны 60% /330 оноо буюу түүнээс дээш/, физик ба англи хэлний хичээлээр 40% /220 оноо буюу түүнээс дээш/-г авснаар босго оноо хангасанд тооцно.

            50%-ийн тэтгэлэгт сургалтад элсэгчдийн  математикийн хичээлээр авбал зохих нийт онооны 60% /300 оноо буюу түүнээс дээш/, физик ба англи хэлний хичээлээр 40% /200 оноо буюу түүнээс дээш/-г авснаар босго оноо хангасанд тооцно.

Бүрдүүлэх материал:

1. ЕШ-ын батламж /эх хувь/
2. Дунд боловсролын үнэмлэх буюу түүнтэй адилтгах бичиг баримт /эх хувь/
3. Иргэний үнэмлэх
4. Бүртгэлийн хураамж 5000 төгрөг

Дэлгэрэнгүй мэдээллийг www.mrt.gov.mn цахим хуудас  болон 62263178, 99271338 дугаараас авна уу.

ЗАМ, ТЭЭВРИЙН ЯАМ