Говь-Алтай аймгийн Шарга сум дахь Ээвийн голын гүүрийг шинэчлэн барих 1.9 тэрбум төгрөгийг 2020 оны Улсын төсвийн Зам тээврийн хөгжлийн сайдын багцад тусган батлуулж, одоогоор Төрийн худалдан авах ажиллагааны газар барилгын ажлын тендер шалгаруулалтыг зохион байгуулж байна.

Улсын чанартай Алтай-Ховд чиглэлийн авто зам дагуу шинээр баригдах Ээвийн голын гүүрийн зураг төслийг Улсын төсвийн хөрөнгө оруулалтаар 2017 онд боловсруулсан бөгөөд барилгын ажлын хөрөнгийг 2020 онд Зам, тээврийн хөгжлийн сайдын багцад тусгуулснаар ийнхүү шинэ гүүрийн барилгын ажлын тендер шалгаруулалтыг эхлүүлэх боломж бүрдэв.