Худалдаа, эдийн засаг, шинжлэх ухаан, техникийн хамтын ажиллагааны Монгол-Оросын Засгийн газар хоорондын комиссын дэргэдэх Тээврийн ажлын хэсгийн 10 дугаар хуралдаан 2014 оны 10 дугаар сарын 13-14-ний өдрүүдэд Улаанбаатар хотноо амжилттай болж өнгөрлөө.

Тээврийн ажлын хэсгийн 10 дугаар хуралдааныг Монголын талаас Зам, тээврийн дэд сайд Х.Ержан, Оросын талаас Тээврийн дэд сайд А.С.Цыденов нар ахалж, хоёр улсын хоорондын тээврийн салбарын харилцаа, хамтын ажиллагааны чухал асуудлуудын талаар хэлэлцэж, тус хуралдааны протоколд гарын үсэг зурлаа.