Монгол Улсын Засгийн газраас хэрэгжүүлж буй “Шинэ сэргэлтийн бодлого”-ын Боомтын сэргэлтийн хүрээнд экспорт, импортын шинэ гарц болох Зүүнбаян-Ханги чиглэлийн 226,9 километр  төмөр зам байнгын ашиглалтад орлоо.

Тус чиглэлийн төмөр замын суурь бүтэц барих тусгай зөвшөөрөл болон төмөр замын суурь бүтцийн барилгын ажлын зөвшөөрлийг “Монголиан транс лайн” ХХК-д олгосон байна. Ингээд төмөр замын 235  цэгийн ус зайлуулах төмөрбетон хоолой,  4 цэгийн төмөрбетон гүүр, 14 сая м.куб газар шорооны ажлын бүтээн байгуулалтад дотоодын 40 гаруй аж ахуй нэгж барилга угсралт, барилгын материал нийлүүлэх ажилд хамтран ажиллажээ. Туршилтын тээврээр 2.6 сая тонн ачаа тээвэрлэсэн байна.

Тодруулбал, Зам, тээврийн яам, Барилга, хот байгуулалт, орон сууцжуулалтын яамны бүрээлдэхүүнтэй улсын комисс 2024 оны арванхоёрдугаар сард ажиллаж Зүүнбаян-Ханги чиглэлийн 226,9 км төмөр замыг байнгын ашиглалтад оруулжээ.

Тус төмөр зам ашиглалтад орсноор уул уурхайн бүтээгдэхүүний экспортын хэмжээг жилд 20-25 сая тонноор нэмэгдүүлснээр эдийн засагт бодитой өсөлтийг бий болгоно хэмээн экспертүүд үзэж байгаа аж.