Зам, тээврийн сайдын 2025 оны нэгдүгээр сарын 06-ны өдрийн шуурхай хуралдаанаас “Зам, тээврийн хөгжлийн төв” ТӨҮГ, “Авто замын засвар арчлалтын нэгтгэл” ТӨХК-д олон улс, улсын чанартай авто зам, замын байгууламжийн ашиглалтын бэлэн байдал, хөдөлгөөний аюулгүй байдал, 2024-2025 оны өвлийн арчлалт болон шуурхай ажлын хэсгийн нөхцөл байдалтай танилцаж, зохих арга хэмжээг авах тухай чиглэлийг өгсөн. Тус чиг үүргийн хүрээнд “Зам, тээврийн хөгжлийн төв” ТӨҮГ-ын бүс нутаг хариуцсан хяналтын инженерүүд энэ сарын 09-15-ны хооронд хариуцсан авто замуудад ажилласан.

Тодруулбал, “Авто замын засвар арчлалтын нэгтгэл” ТӨХК, “Зам, тээврийн хөгжлийн төв” ТӨҮГ-аас нэгдүгээр сарын 15-ны өдөр Зам, тээврийн яамны Авто замын бодлого зохицуулалтын газар, Салбарын хяналтын газар болон зам хариуцагч компаниудын оролцсон мэдээлэл солилцох цахим уулзалтыг зохион байгуулав. Хурлаар олон улс, улсын чанартай авто зам, замын байгууламжийн ашиглалтын бэлэн байдал, хөдөлгөөний аюулгүй байдал болон 2024-2025 оны өвлийн арчлалт, шуурхай хэсгүүдийн нөхцөл байдлын талаар мэдээлэл солилцжээ.

Мөн салбарын хяналтын газраас Цаг уур, орчны шинжилгээний газраас авсан мэдээллээр 2025 оны 01 дүгээр сард нийт нутгаар цас орж, салхи ширүүсэж цасан шуурга шуурч, хүйтний эрч чангарах төлөвтэй байгаа. Иймд 21 аймгийн ЗДТГ-т авч хэрэгжүүлэх арга хэмжээний талаар улсын ахлах байцаагчийн 04-00-01/004/007/01 дугаартай зөвлөмжийг хүргүүлж, болзошгүй эрсдэлээс урьдчилан сэргийлэх ажлыг зохион байгуулж ажиллах талаар 21 аймгийн ЗДТГ, Тээврийн Цагдаагийн алба, Нийтийн тээврийн бодлогын газар,  Автотээврийн үндэсний төв ТӨҮГ, Зам, тээврийн хөгжлийн төв ТӨҮГ-т тус тус 11/139 дугаартай албан бичгээр хүргүүлсэн байна.