Монгол, Лаосын Засгийн газар хоорондын комиссын 12 дугаар хуралдааны хүрээнд Монгол Улсын Их Хурлын гишүүн, Зам тээврийн сайд Б.Дэлгэрсайхан БНАЛАУ-ын Ерөнхий сайд Сонсай Сипандонгтой уулзаж, хоёр орны олон салбар дахь хамтын ажиллагааг улам тэлж өргөжүүлэн хөгжүүлэх тухай санал солилцлоо.

Тэр дундаа эдийн засаг, худалдаа, хөрөнгө оруулалтын харилцаанд томоохон өөрчлөлтийг бий болгохын тулд боомтын холболт, эдийн засаг худалдаа, ногоон хөгжил зэрэг салбар дахь хамтын ажиллагаагаа эрчимжүүлж, тээвэр ложистикийн салбарт хамтын ажиллагааг улам бүр өргөжүүлэн хөгжүүлэх нь илүү чухал болохыг онцон тэмдэглэв.

Уулзалтын үеэр талууд Монгол Лаос хоёр орны эдийн засаг худалдаа, боловсрол, шинжлэх ухаан, технологи, зам тээвэр, ложистик, соёл, спорт, аялал жуулчлал, иргэдийн солилцоо зэрэг олон салбарт хамтын ажиллагаагаа улам өргөжүүлэн хөгжүүлэхын зэрэгцээ Монгол, Лаосын Засгийн газар хоорондын комиссын 12 дугаар хуралдаан болон энэхүү айлчлалын үеэр хоёр орны харилцаа иж бүрэн түншлэлийн түвшинд хүрсэнд баяртай байгаагаа хоёр удирдагч илэрхийлэв.