Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Засгийн газар хоорондын хэлэлцээрт гарын үсэг зурлаа.

Монгол Улсын Их Хурлын 2024 оны 21 дүгээр тогтоолоор баталсан “Монгол Улсын Засгийн газрын 2024-2028 оны үйл ажиллагааны хөтөлбөр”-т тусгасан 14 мега төслийн эхэнд “Гашуунсухайт-Ганцмод, Ханги-Мандал, Шивээхүрэн-Сэхээ хилийн боомтуудын хил дамнасан холболтын төмөр зам, ачаа тээврийн шилжүүлэн ачих терминалыг барина гэж төлөвлөсөн билээ.

Энэ ажлын хүрээнд өнөөдөр Монгол Улсын Ерөнхий сайд Л.Оюун-Эрдэнэ Бүгд Найрамдах Хятад Ард Улсад ажлын айлчлал хийж байна.

Айлчлалын хүрээнд Ерөнхий сайд Л.Оюун-Эрдэнэ, БНХАУ-ын Төрийн зөвлөлийн Ерөнхий сайд Ли Чян нар өнөөдөр Харбин хотноо уулзалт хийж, Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон БНХАУ-ын Засгийн газар хоорондын хэлэлцээрт гарын үсэг зурлаа.

Энэхүү арга хэмжээнд Монгол Улсын Засгийн газрын гишүүн, Зам тээврийн сайд Б.Дэлгэрсайхан, Аж үйлдвэр, эрдэс баялгийн сайд Ц.Туваан, Шадар сайд Т.Доржханд, Эрчим хүчний сайд Б.Чойжилсүрэн нар оролцлоо.

Гашуунсухайт-Ганцмод чиглэлийн төмөр замын хил холболтын төсөл хэрэгжсэнээр Монгол Улс, БНХАУ хоорондын Эрдэс баялаг, Аж үйлдвэр, Дэд бүтцийн салбарын хамтын ажиллагаа идэвхжихээс гадна худалдаа, эдийн засаг болон бусад салбар, олон улс бүс нутгийн хамтын ажиллагаа идэвхжиж, хилийн боомтын нэвтрүүлэх хүчин чадал нэмэгдэх стратегийн ач холбогдолтой юм.

Тодруулбал, Гашуунсухайт-Ганцмод боомтын хил дамнасан төмөр зам нь өргөн царигаар жилд 30 сая тонн, нарийн царигаар 10 сая тонн ачаа тээвэрлэх хүчин чадалтай.  2030 он хүртэл нүүрсний экспорт 120 сая тонноор нэмэгдэж, эдийн засгийн  өсөлтийг 6 хувиас  дээш түвшинд хадгалах ач холбогдолтой.

Байршил болон техникийн үзүүлэлтийн хувьд, Гашуунсухайт-Ганцмод боомтын хил дамнасан төмөр замын төсөл нь Монгол Улсын Өмнөговь аймгийн Ханбогд сумын нутаг дэвсгэр, Тавантолгой-Гашуунсухайт чиглэлийн төмөр замын үргэлжлэл бөгөөд нийт 979 тэрбум төгрөгийн хөрөнгө оруулалттай 5 багц ажлаас бүрдэнэ.

Газрын байршлаас шалтгаалан 30 орчим метр өндөр гүүрэн байгууламжтай баригдах юм.

БНХАУ-ын талаас эхний ээлжинд Гашуунсухайт-Ганцмод боомтын төмөр замыг барьж, ашиглалтад оруулсны дараа бусад боомтуудыг төмөр замаар холбох боломж нөхцөл бүрдэнэ.

Mongolia and China agree to build a new cross-border railway

On February 18, 2025, Prime Minister of Mongolia Mr. Oyun-Erdene Luvsannamsrai and Premier of the Peoples Republic of China Mr. Li Qiang held a high-level meeting in Harbin, China. Deputy Prime Minister Mr. Dorjkhand Togmid, Minister of Road and Transport Mr. Delgersaikhan Borkhuu, Minister of Mining and Heavy Industry Mr. Tuvaan Tsevegdorj, Minister of Energy Mr. Choijilsuren Battogtokh also attended the meeting.

At this meeting, the two sides signed an intergovernmental agreement to build a new cross-border railway line between Mongolia and China. This new railway will connect the Gashuun Sukhait and Gantsmod border ports, a significant milestone in regional infrastructure development.

The project’s total investment is estimated at around 979 billion tugriks (approximately USD 283 million). Construction of a railway bridge with a 30-meter height is to be built to accommodate terrain and geographical condition of the site.

As part of the Mongolian Government’s Action Plan, 14 mega projects have been planned, with the construction of key railways as a priority. The first project includes building rail connections at the Gashuun Sukhait-Gantsmod with other cross border rail connections at Khangi-Mandal, Shiveekhuren-Sekhee and Bichigt-Zuunkhatavch border ports.

Moreover, the new railway is a door opener for further cooperation and trade. It will initially have the capacity to transport 30 million tons of freight on a broad gauge and 10 million tons on a standard gauge. By 2030, Mongolia’s coal exports are projected to reach 120 million tons, contributing to sustainable economic growth, which is expected to remain above 6 percent.