БНСУ-ын тэтгэлэгт хөтөлбөрийн хүрээнд 2025-2026 оны хичээлийн жилд “Дуньян их сургууль”-ийн бакалаврын сургалтад нийт 30 оюутныг сонгон шалгаруулж, суралцуулна.

Тэтгэлгийн зорилго:

Зам, тээврийн яам болон БНСУ-ын Дуньян их сургууль хооронд байгуулсан санамж бичгийн хүрээнд Монгол Улсын төмөр замын салбарын хүний нөөцийг бэлдэх, 2 улсын төмөр замын технологийг боловсронгуй болгох зорилготой.

Тэтгэлэгт хамрагдах нөхцөл: Cургалтын төлбөр, дотуур байрны төлбөрийг хөнгөлнө.

БНСУ-ын Ёнжу хотод байрлах Дуньян их сургуулийн хичээлийн жил 2025 оны 03 дугаар сараас эхэлнэ.

Сургуульд суралцах хугацаанд D-2 ангиллын визийг олгоно.

Сургалтын төлбөрийг дараах байдлаар хөнгөлнө.

• 1 дүгээр дамжааны сургалтын төлбөр 7.600.000-30%=5.320.000 вон
• 2 дугаар дамжааны сургалтын төлбөр 7.600.000-40%=4.560.000 вон
• 3 дугаар дамжааны сургалтын төлбөр 7.600.000-40%=4.560.000 вон
• 4 дүгээр дамжааны сургалтын төлбөр 7.600.000-40%=4.560.000 вон

Үүнээс суралцах хугацаанд амжилт гаргаж, голч дүнгийн оноогоор тэргүүлсэн тохиолдолд дахин хөнгөлөлт эдлэх боломжтой.

Хичээллэх хуваарь: 1-3 дугаар сар өвлийн амралт, 3-6 дугаар сар 1 дүгээр улирал, 6-9 дүгээр сар зуны амралт, 9-12 дугаар сар 2 дугаар улирал байна. Жилд 6 сар хичээллэж 6 сар амарна.

Оюутны дотуур байрны төлбөр 1 улиралд 1.200.000 воноос 500.000 воныг хөнгөлнө. Үүнд өдрийн 3 хоол багтсан. Дотуур байранд өвөл, зуны амралтаараа үнэгүй байрлах боломжтой. Өдрийн 3 хоолтой. 

Мэргэжлийн чиглэл:

Төмөр замын зам, барилга (суурь бүтэц)  

Тавигдах шаардлага, хамрах хүрээ:

• Тэтгэлэгт хамрагдах суралцагч 18 -24 насны хооронд байна.
• Монгол Улсын Ерөнхий боловсролын сургуулийг 80 ба түүнээс дээш дундаж оноотой суралцаж төгссөн төгсөгч /Бүрэн дунд боловсролын гэрчилгээтэй байх шаардлагатай/ хамрагдана.
• Монгол Улсын магадлан итгэмжлэгдсэн их, дээд сургуулийн 1, 2 дугаар дамжаанд 3.0-оос дээш голч дүнтэй суралцаж байгаа оюутан.
• Сурагчийн анкет. /хавсаргав/
• Солонгос хэлний түвшин тогтоох шалгалтын 3 ба түүнээс дээш түвшний шалгалтад тэнцсэн бол давуу тал болно.

Хэлний бэлтгэлийн мэдээлэл

Хэрвээ Солонгос хэлний мэдлэггүй бол дотооддоо тус сургуулийн төлөөлөгчийн газар хэлний бэлтгэлд хамрагдах боломжтой. Хэлний бэлтгэлээ төгсөж Солонгос хэлний түвшин тогтоох шалгалт буюу TOPIK шалгалтад хамрагдаж 3 болон түүнээс дээш оноо авсан тохиолдолд тэтгэлэгт хамрагдах боломжтой.

Хэлний бэлтгэл 3 сарын 10-наас эхлэх бөгөөд 7 хоногийн 3 өдөр хичээлд хамрагдана.

Сургалтын сарын төлбөр 500.000 төгрөг байх бөгөөд төлбөрийг 3 сараар төлнө.

Хичээлийг докторын зэрэгтэй Монгол Солонгос багшийн хосолсон хөтөлбөрөөр явуулах ба сурах бичиг болон суралцах орчин визний мэдээллээр бүрэн хангана.

Хаяг: УБ хот СБД 1 хороо авзага трейд ХХК байр 7 давхарт 704 тоотод зохион байгуулагдана.

Холбоо барих утасны дугаар: 99029712, 99132827

Бүртгэлийн хугацаа:

2025 оны 02 дугаар сарын 28 өдрөөс 03 дугаар сарын 08 өдөр хүртэл бүртгэл хийнэ.

Тэтгэлэг горилогчид өөрийн биеэр УБ хот СБД 1 хороо авзага трейд ХХК байр 7 давхарын  704 тоотод ирж бүртгүүлэнэ.

Онлайнаар бол чатаар холбогдож болно

Солонгос дахь холбогдох дугаар 01082836065