Цаг уур, орчны шинжилгээний газраас Говь-Алтай, Баянхонгорын өмнөд хэсгээр салхи секундэд 24-28 метр, зарим үед 34 метрийг давж хүчтэй салхи, шороон шуурганы гамшигт үзэгдэл ажиглагдахыг анхааруулж байна.

Мөн Өвөрхангайн нутаг, Говь-Алтай, Ховд, Архангайн өмнөд хэсгээр, Өмнөговийн нутгаар салхи секундэд 18-20 метр, зарим үед 28 метрийг давж хүчтэй салхи, шороон шуурганы аюултай үзэгдэл, Завханы нутгаар цасан шуурганы аюултай үзэгдэл, 25-26-нд шилжих шөнө Сэлэнгэ, Хэнтийн нутаг, Төв аймгийн зүүн хэсгээр, 26-ны өдөр Хэнтий, Дорнод, Дорноговийн нутаг, Төв аймгийн зүүн хэсгээр ахиухан хэмжээний нойтон цас, цас орж, цасан шуурганы аюултай үзэгдэл ажиглагдана.

Энэ үеэр агаарын температур өмнөх хоногоосоо 10-15 градусаар эрс хүйтэрхийг анхаарна уу!!!

Халтиргаа гулгаа үүсэх, зам, даваа цас, шороонд хаагдах, үзэгдэх орчин хязгаарлагдах тул онцын шаардлаггүй тохиолдолд байгалийн гамшиг, болзошгүй эрсдлээс сэргийлж замд гарахгүй байхыг анхааруулж байна.

Иймд Зам, тээврийн яамны Улсын ахлах байцаагчдаас 21 аймаг, нийслэлийн Засаг дарга нарт “Автозам тээвэрлэлтийн аюулгүй байдлыг хангуулах болон урьдчилан сэргийлэх ажлыг зохион байгуулах тухай” дараах зөвлөмж, мэдээллийг хүргүүлэн ажиллаж байна.