“Улаанбаатар төмөр зам” ХНН үйлчлүүлэгч байгууллагуудтайгаа “Хамтын ажиллагаа-2025” зөвлөгөөнийг зохион байгуулах гэж байна.

Жил бүр зохиогддог тус зөвлөгөөний зорилго нь тээвэрлэгч болон төмөр замаар үйлчлүүлдэг байгууллагууд тулгамдаж буй асуудлаа хамтдаа хэлэлцэн зөвшилцаж, нэгдсэн ойлголцолд хүрч, хамтын ажиллагааныхаа үр өгөөжийг дээшлүүлэхэд оршдог.

Зөвлөгөөн 2025 оны дөрөвдүгээр сарын 09-ний өдрийн 09.00 цагт “Ган зам палас”-т болох ба Зам, тээврийн яам, Аж үйлдвэр, эрдэс баялгийн яам, Гаалийн ерөнхий газар, Ашигт малтмал, газрын тосны газар, МҮХАҮТ, Тээвэр зуучийн байгууллагууд болон бусад аж ахуйн нэгж оролцох юм.