МЭНДЧИЛГЭЭ

"Улаанбаатар төмөр зам" ХНН-ийн Вагоны аж ахуйн албаны үүсэн байгуулагдсаны 20 жилийн ойн баярын мэндийг мэргэжил нэгт вагнончид та бүхэнд дэвшүүлье.

Вагоны аж ахуйн алба 2005 онд байгуулагдсанаас хойш вагон ашиглалт, засвар үйлчилгээний чиглэлээр тасралтгүй хөгжиж, Монгол Улсын төмөр замын тээврийн тогтвортой байдлыг хангахад үнэтэй хувь нэмэр оруулсаар ирлээ. Өнөөдөр тус албаны 20 жилийн ойг тэмдэглэж буй нь зөвхөн нэг байгууллагын хэмжээнийх бишээ, харин төмөр замын салбарын хөгжил дэвшлийн түүхийг дүгнэх онцгой үйл явдал болж байна.

Та бүхний хичээл зүтгэл, хамтын зохион байгуулалт, чанарт суурилсан хандлагын үр дүнд ТУС АЛБА НЬ өнөөдөр зөвхөн “УБТЗ” төдийгүй нийт төмөр замын салбарын хэмжээнд туршлага түгээгч, хөгжлийн жишиг бүтэц болон төлөвшжээ.

Товчоор хэлбэл “Вагоны аж ахуйн албаны үйл ажиллагаа, удирлага, зохион байгуулалт нь хууль тогтоомжийн хэрэгжилт, хүн бүрийн мэдлэг чадвар, сэтгэл, хандлага, оролцоо, техник, технологи, вагон нэг бүрийн бүрэн найдвартай байдлаас эхэлдэг” гэсэн зарчим энэ 20 жилийн түүхээр нотлогдож байна. 

Бидний хамтын ажиллагаа улам гүнзгийрүүлэн, шинэ техник технологийг нэвтрүүлэх, аюулгүй байдлыг хангах, чиглэлээр үр дүнтэй хамтран ажиллах болно гэдэгт итгэл төгс байна.

Вагоны аж ахуйн албаны хөгжил, амжилтад үнэтэй хувь нэмрээ оруулсан үе үеийн ахмадууд, ажилтан, албан хаагчид та бүхэнд талархал илэрхийлье. Танай хамт олны цаашдын ажил үйлс өрнүүн бүтээлтэй, хөгжил дэвшлээр дүүрэн байх болтугай.

Хүндэтгэсэн

ЗТЯ-ны Салбарын хяналтын газрын дарга,

Салбарын Улсын Ерөнхий байцаагч,

Монгол Улсын Зөвлөх инженер М.Энхболд