Монгол Улсын урт хугацааны хөгжлийн бодлого “Алсын хараа-2050”, Хамтарсан Засгийн газрын 2024-2028 оны үйл ажиллагааны хөтөлбөр зэрэг бодлого төлөвлөлтийн бусад баримт бичигтэй уялдуулан зам, тээврийн салбар  дэд бүтэц, бүтээн байгуулалтын ажлаа эрчимжүүлж, олон жил гацсан томоохон төсөл хөтөлбөрүүдийг хөдөлгөж, хөгжлийг урагшлуулахад чиглэгдсэн дараах ажлуудыг хэрэгжүүлж байна.  

Энэ удаад авто замын салбарт хийсэн онцлох гурван ажлыг онцолж байна.

• 2024 онд нийт 7889.6 км хатуу хучилттай авто замтай боллоо

2024 онд нийт 559.5 км хатуу хучилттай авто зам, 173.9 урт метр гүүр шинээр ашиглалтад орууллаа. Үүнээс 223.05 км авто зам нь Олон улс, улсын чанартай хатуу хучилттай авто зам бөгөөд нийт 7889.6 км хатуу хучилттай авто замтай боллоо.

• 241 у/м төмөр бетон гүүрийг байнгын ашиглалтад оруулна

2025 онд Бүсүүдийн хөгжлийг дэмжих, олон улсын авто замын шинэ коридор байгуулах, хилийн боомтууд болон аймгийн төв, сумдыг холбох ажлын хүрээнд нийт 4306.83 км/шилжих 2131.64 км, шинэ 2175.19  км авто зам, 841.9 у/м шилжих 805.9 у/м, шинэ 36 у/м гүүрийн ажил хэрэгжиж байна. Үүнээс нийт 999.43 км автозам, 241 у/м төмөр бетон гүүрийг байнгын ашиглалтад оруулахаар ажиллаж байна.

• Боомтуудыг холбох авто замын ажлыг эхлүүлэв

Арц суурь, Бичигт, Даян боомтуудыг холбох авто замын ажил, Улиастай - Алтай чиглэлийн 40 км,  Ховд-Улаангом чиглэлийн 163 км авто замын ажлыг эхлүүлээд байна.