ЗТЯ-ны Автотээврийн бодлого зохицуулалтын газрын дарга Э.Мөнхнасан дараах мэдээллийг өглөө.

ЗТЯ-наас хот хоорондын нийтийн тээврийн үйлчилгээнд тээвэрлэлт гүйцэтгэж буй том оврын тээврийн хэрэгслүүдийн насжилтийн судалгааг авч үзвэл 2025.12.31 гэхэд 2013 оны 247 тээврийн хэрэгсэл насжилтаар хасагдахаар байгаа бөгөөд нийт паркын 36,6 хувь хасагдахаар байна.

Гэсэн ч ЗТЯ-наас сүүлийн жилүүдэд улс, хот хоорондын нийтийн зорчигч тээврийн үйлчилгээний үнэ тарифыг нэмээгүй болон улс орны эдийн засгийн нөхцөл байдалтай уялдуулан хот хоорондын нийтийн зорчигч тээврийн үйлчилгээнд ашиглагдаж байгаа тээврийн хэрэгслийн насжилтыг 1 жилийн хугацаатай сунгаж байна.

Мөн энэхүү арга хэмжээтэй уялдуулан Монгол Улсын хилээр орж ирж байгаа шинэ автобусны Гааль, НӨАТ-аас чөлөөлөх хуулийн төслийг Засгийн газрын хуралдаанаар хэлэлцүүлж, УИХ-аар шийдвэрлүүлнэ.

Иймд хот хоорондын нийтийн зорчигч тээврийн үйлчилгээ эрхлэгчид тээврийн хэрэгслийн нажсилтын хугацаа сунгаж буй энэ хугацаанд парк шинэчлэлтийг хийж зорчигч тээвэрлэлтийн үйлчилгээний бэлэн байдлыг хангах нь зүйтэй.

Энэхүү шийдвэрт аялал жуулчлалын үйлчилгээ үзүүлж байгаа 8-аас дээш хүний суудалтай тээврийн хэрэгсэл хамаарна.