Баруун-Урт-Бичигт чиглэлийн авто замын эхлэл 152 км төслийн нээлтэд Монгол Улсын Их Хурлын гишүүн, Зам, тээврийн сайд Б.Дэлгэрсайханы хэлсэн үгийг бүрэн эхээр нь хүргэж байна.

"Сайн байцгаана уу, эрхэм хүндэт зочид төлөөлөгчид, авто замчид,

Сүхбаатар аймгийн ард иргэдээ

Та бүхэнд энэ өдрийн мэндийг дэвшүүлье.           

Улсын Их Хурлын 2020 оны “Бүсчилсэн хөгжлийн үзэл баримтлал” 64 дүгээр тогтоол, Монгол Улсын Засгийн газар2024-2028 оны үйл ажиллагааны хөтөлбөрт Бүсүүдийнхөгжлийг дэмжих, олон улсын авто замын шинэ коридорбайгуулах, хилийн боомтууд болон аймгийн төв, сумдыгхолбох "Шинэ сэргэлтийн таван тойрог" авто замынтөслийг хэрэгжүүлж, олон улс, улсын болон орон нутгийнчанартай хатуу хучилттай авто замын сүлжээг өргөжүүлэхажлын хүрээнд ЭРЭЭНЦАВ-БИЧИГТ гэсэн авто замынШИНЭ КОРИДОР-ыг нэмж барихаар шийдвэрлэсэн.

Мөн Зүүн бүсийн хөгжлийн зорилгод Зүүн Хойд Азийнорнуудтай эдийн засгийн харилцааг өргөжүүлж, ХанХэнтийн нуруу, Дорнод Монголын байгалийн экосистем, Дэлхийн өв Бурхан халдун, Эзэн Чингис хааны төрт ёс, түүх, соёлын өвд түшиглэн “Түүхэн аялал жуулчлалынтөрөлжсөн бүс бөгөөд эрчимжсэн хөдөө аж ахуйн дэд бүс” болгох, тээвэр логистикийн нэгдсэн сүлжээ, боомт, чөлөөтбүс, тусгай бүсийг хөгжүүлэхээр тусгасан.

Дээрх ажлын хүрээнд Сүхбаатар аймгийн төв Баруун-Урт хотыг Бичигт боомттой холбох “Баруун-Урт-Бичигт”чиглэлийн авто замын эхний үе шат 152 км хатуу хучилттай авто зам” төслийн ажил хэрэгжихэд бэлэн болж зам барилгын ажил эхлэх нээлтийг өнөөдөр та бүхэнтэйгээ хамтдаа хийж байгаадаа баяртай байна.

“Баруун-Урт-Бичигт” чиглэлийн авто замын эхний үе шат 152 км хатуу хучилттай авто зам төслийг 2025-2027 онд улсын төсвийн хөрөнгө оруулалтаар 324 тэрбум төгрөгийн төсөвт өртөгөөр хэрэгжүүлэхээр төлөвлөн, 2025оны улсын төсөвт 31,6 тэрбум төгрөгийг тусгаж Төрийн Худалдан Авах Ажиллагааны газраас тендерийг зарлангүйцэтгэгчээр Монголын үндэсний аж ахуйн нэгж “Монгол зам групп” ХХК, техник технологийн хяналтын зөвлөх компаниар “Аварга зам” ХХК тус тус шалгарсан байна.

Гүйцэтгэгч болон техник технологийн хяналтын зөвлөх компаний хамт олон та бүхэнд өмнөө тавьсан зорилтоо нэр төртэй биелүүлж тухайн замыг хугацаанд чанартай гүйцэтгэж ашиглалтад оруулах үүргийг Зам, тээврийн сайдын хувьд даалгаж байна.

Төслийг хэрэгжүүлэхэд орон нутгийн засаг захиргаа, иргэдийн идэвхтэй хамтын ажиллагаа ихээхэн үүрэг гүйцэтгэдэг бөгөөд ажлыг саадгүй түргэн шуурхай гүйцэтгэхэд Сүхбаатарчууд та бүхэн хамтран ажиллана гэдэгт итгэлтэй байна.

Тус авто замын асфальтбетон хучилт 11см, цементээр бэхжүүлсэн буталсан чулуун суурь 22 см, цементээр бэхжүүлсэн хөрсөн суурь 22 см, суурийн доод үе 30см ба нийт 85см зузаан хийцлэлтэй бөгөөд 1 км авто замын өртөг 2,1 орчим тэрбум төгрөг байна. Энэ замын хийцлэл нь хүнд даацын машин зорчиж болхуйц хэмжээнд төлөвлөгдсөнийг цохон тэмдэглэе.

“Баруун-Урт-Бичигт” чиглэлийн хатуу хучилттай авто зам авто зам ашиглалтад орсноор Монгол Улсаар дайран өнгөрөх Ази Европыг холбосон авто замын сүлжээ шинээрнэмэгдэж, Бичигтийн боомт нь Замын-Үүд боомтын дараа орох томоохон боомт болон хөгжих ирээдүй харагдаж байна.

Улмаар БНХАУ-ын Тянжин, Жинзоу, Далиан зэрэг боомтоор дамжин Зүүн хойд азийн улстай худалдаа хийх боломжийг бүрдүүлж өгөх эдийн засгийн чухал ач холбогдолтой юм.

Мөн Сүхбаатар аймгийн эдийн засагт хөдөө аж ахуй, мал аж ахуй болон уул уурхайн салбар зонхилдог бөгөөд дээрх салбаруудад түшиглэн мах боловсруулалт, аялал жуулчлал, бүс нутгийн худалдаа зэргийг хөгжүүлэхэд чухал нөлөө үзүүлж, ард иргэд тав тухтай, түргэн шуурхай зорчих боломж бүрдэхийн зэрэгцээ Зүүн бүсийн аймгуудыг зорин очих гадаад болон дотоодын аялагч жуулчдын тоо нэмэгдэж, тухайн бүс нутгийн эдийн засаг, нийгмийн хөгжлийг түргэтгэн үйлдвэрлэл үйлчилгээг хөгжүүлэх боломжийг бүрдүүлнэ.

Эрхэм хүндэт авто замчид, та бүгд Монгол Улсын Авто замын сүлжээг өргөжүүлэн хөгжүүлэхэд чин сэтгэлээр жигүүрлэн хэтийн их зорилго, үүрэг хариуцлагаа бүрэн ухамсарлаж гар, сэтгэл нийлэн хөдөлмөрлөж өмнөө тавьсан зорилтоо нэр төртэй биелүүлнэ гэдэгт чин сэтгэлээсээ талархаж байна.  

Мандах наран зүгийн нутгийхан Сүбаатарчууд та бүхний маань ажил үйлс нь өөдрөг, бие сэтгэл тунгалаг байхын ерөөл өргөе.

Та бүхнийг Алтан шар замын хишиг буян ашид мөнхөд ивээж  байх болтугай" хэмээлээ.