Төмөр замын тээврийн тухай хууль шинэчлэн батлагдсантай холбогдуулан хөдлөх бүрэлдэхүүний дүрэм, журмыг шинэчлэх ажил хийгдэж байна.

Төмөр замын тээврийн тухай хуулийн 39 дүгээр зүйлийн 39.5-д “Хөдлөх бүрэлдэхүүн үйлдвэрлэх ажлыг тусгай зөвшөөрлийн үндсэн дээр гүйцэтгэнэ” гэж заасан.

Хөдлөх бүрэлдэхүүн шинээр худалдан авч байгаа аж ахуй нэгжүүд нь тухайн улсдаа хөдлөх бүрэлдэхүүн үйлдвэрлэх зөвшөөрөлгүй, туршилт судалгаа хийгдээгүй, техникийн баталгаажуулалтгүй, хөдөлгөөний аюулгүй байдал хангахгүй хөдлөх бүрэлдэхүүнийг захиалан үйлдвэрлүүлж хөрөнгө, санхүүгээрээ хохирох тохиолдлууд гарч байна.

Иймд шинээр хөдлөх бүрэлдэхүүн худалдан авахдаа тухайн улсын эрх бүхий байгууллагаас олгосон хөдлөх бүрэлдэхүүн үйлдвэрлэх зөвшөөрөл бүхий байгууллагаас худалдан авна уу.

Энэ талаар Засгийн газрын хэрэгжүүлэгч агентлаг-Төмөр замын газарт хандаж, зөвлөмж мэдээлэл авна уу.