Монгол Улсын Зам, тээврийн яам, БНСУ-ын Тээврийн хүрээлэн хооронд Харилцан ойлголцлын санамж бичиг байгууллаа.  

Тухайлбал, Зам, тээврийн яамны Төрийн нарийн бичгийн дарга С.Батболд Солонгосын Тээврийн Хүрээлэнгийн (KOTI) ерөнхийлөгч Ён Чан Ким тэргүүтэй төлөөлөгчдийг өнөөдөр (2025.09.17) хүлээн авч уулзав.

Уулзалтын эхэнд талууд хоёр улсын зам, тээврийн салбар тээврийн судалгааны байгууллагуудын хамтын ажиллагааны талаар санал солилцлоо.

Төрийн нарийн бичгийн дарга С.Батболд хоёр улсын тээврийн салбарын хамтын ажиллагаа нягт хөгжиж байгаад БНСУ-ын оруулж буй хувь нэмэр, боловсон хүчин, салбарын хүний нөөцийг мэргэшүүлэхэд идэвхтэй ажиллаж байгаад талархал илэрхийлээд, “Хоёр улсын хооронд тээврийн салбарт олон төсөл, хөтөлбөр амжилттай хэрэгжиж байгаа.

Эдгээр төсөл нь Монголд өрнөж буй зам, тээврийн ажилтай уялдан замын хөдөлгөөний удирдлагын нэгдсэн системийг хөгжүүлэх, аюулгүй байдлын хяналтын системийг сайжруулна” гэдгийг онцоллоо.

БНСУ-ын Тээврийн хүрээлэнгийн бүс нутгийн хэмжээнд төдийгүй дэлхийд тээврийн салбарыг хөгжүүлж ирсэн туршлагаараа тэргүүлдэг мэргэжлийн судалгаа, шинжилгээний байгууллагатай Зам, тээврийн яам нягт хамтран ажиллаж байгаа бөгөөд энэ зорилгоор Тээврийн салбарт хамтран ажиллах тухай харилцан ойлголцлын санамж бичигт өнөөдөр гарын үсэг зурлаа.