Засгийн газрын ээлжит хуралдаан өнөөдөр /2025.09.24/ болж Зам, тээврийн яамны Төрийн нарийн бичгийн даргаар Б.Насантогтохыг сэлгэн ажиллуулахаар боллоо. Тамгыг ЗГХЭГ-ын дэд дарга Ц.Одхүү гардуулан өглөө.

Энэ үеэр Зам, тээврийн сайд Б.Дэлгэрсайхан шинээр томилогдсон Төрийн нарийн бичгийн даргад цаашдын ажилд амжилт хүссэн бол ажлаа хүлээлгэн өгч буй Төрийн нарийн бичгийн дарга С.Батболдод эрүүл энх, сайн сайхныг хүслээ.

Төрийн нарийн бичгийн дарга Б.Насантогтох нь:

• 1997 онд Эрчим хүчний их сургуулийг ДЦС-ын инженер,
• 1999 онд ХБНГУ-ын Эрчим хүчний институт,
• 2008 онд ШУТИС-ийг магистраар тус тус дүүргэжээ.
• 2015 онд “ESCPE”сургуульд Эрчим хүчний удирдлага чиглэлээр мэргэжил дээшлүүлсэн. Монгол Улсын Эрчим хүчний зөвлөх инженер.

Ажилласан байдал:

1998 оноос “Чойбалсангийн дулааны цахилгаан станц” ТӨҮГ-т машинист, мастер, “Дорнод бүсийн эрчим хүчний систем” ТӨХК-д цехийн дарга, төслийн инженер, гүйцэтгэх захирал, “Монголын Эрчим хүчний холбоо” ТББ-д зөвлөх инженер, 2016 оноос Эрчим хүчний яамны Бодлогын хэрэгжилтийг зохицуулах газрын даргаар ажиллаж ирсэн. Эрчим хүчний салбарт 27 жил, Төрийн албанд 17 жил тус тус ажиллаж байна.