Тавантолгойн бүлэг ордоос экспортлох нүүрс тээврийн хэмжээг нэмэгдүүлэх зорилгоор Гашуунсухайт-Ганцмод боомтын хил дамнасан төмөр замыг барих, нүүрс борлуулах урт хугацааны гэрээ хийх, уурхайн хүчин чадлыг нэмэгдүүлэх талаар Монгол улсын Засгийн газар болон БНХАУ-ын Засгийн газар хооронд Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай хэлэлцээрийг 2025 оны 2 дугаар сарын 14-ний өдөр байгуулсан ба хэлэлцээрийн 2 дугаарт хэрэгжилтийг хариуцах байгууллагыг Монголын талаас “Эрдэнэс тавантолгой” ХК, БНХАУ-ын талаас “Чайна энержи хөрөнгө оруулалтын корпораци” (төрийн оролцоотой аж ахуйн нэгж болон түүний хамаарал бүхий хуулийн этгээд) байна гэж заасан.

Засгийн газар хоорондын хэлэлцээрийн дагуу Зам, тээврийн яамны зүгээс 2025 оны 3 дугаар сард нүүрс борлуулах урт хугацааны гэрээ хийх, уурхайн хүчин чадлыг нэмэгдүүлэх, Гашуунсухайт-Ганцмод боомтын хил дамнасан төмөр замын бүтээн байгуулалтын ажлын талаар “Чайна энержи коксжих нүүрс /Тяньжин/” ХХК-тай уулзалт хийж 2025 онд 5,0 сая.тн нүүрс худалдах, худалдан авах болон тээвэрлэх талаар хэлэлцсэн ба нүүрс тээвэрлэлтийн гэрээг 2025 оны 05 дугаар сарын 14-ний өдөр байгуулж, анхны тээвэрлэлтийг 2025 оны 06 дугаар сарын 24-ний өдөр амжилттай зохион байгуулж 2025 оны 09 дүгээр сарын 23-ны өдрийн байдлаар 1,5 сая.тн ачааг төмөр замаар тээвэрлэж хоногт дундажаар 8 хос галт тэрэг аялуулж байна.

 Оны үлдсэн хугацаанд гэрээний дагуу 3,5 сая.тн ачааг тээвэрлэх ба хоног дундажаар 10 галт тэрэг аялуулж, хоног бүр 34,000 тн ачааг тээвэрлэж хилээр гаргах шаардлагатай.