Ази, Номхон далайн хил дамнасан цаасгүй худалдааг хөнгөвчлөх тухай хэлэлцээрийн Үндэсний ажлын хэсгийн энэ удаагийн ээлжит хурлыг Зам, тээврийн яамнаас санаачлан зохион байгууллаа.

Энэхүү хурлын зорилго нь бодлогын чиглэл, зөвлөмж авч ажлын хэсэгт дэмжлэг үзүүлж ажиллахад оршиж байгаа бөгөөд “Ази, Номхон далайн хил дамнасан цаасгүй худалдааг хөнгөвчлөх тухай ерөнхий хэлэлцээр”-ийн хэрэгжилтийг хангах, нэгдэн орох бэлтгэл ажилтай холбогдуулан хил дамнасан худалдааны үйл явц, саад бэрхшээлтэй газар дээр нь үзэж судлах, хилийн боомтын гааль, тээвэр, логистикийн байгууллагуудын үйл ажиллагааны харилцан уялдааг ханган цахимжуулах зорилготой юм.

Хурлын эхэнд ЗТЯ-ны урд байрлах ERTHUB төвийн үйл ажиллагааг танилцуулаад, яамны Мэдээллэл, технологийн хэлтсийн дарга Д.Гэрэлням ERTHUB төвийн үйлчилгээгээр дамжиж байгаа цахим үйлчилгээг танилцуулж, гаалийн байгууллагатай ямар ажлууд хийгдэн ажиллаж байгааг танилцууллаа.

Хил дамнасан цаасгүй цахим худалдааны хүрээнд тус асуудалтай холбоотой 16 байгууллагын 21 систем нь авто тээврийн бүртгэл мэдээллийн системтэй холбоотой юм.