Монгол Улсад санхүүгийн алба үүсэж хөгжсөний 114 жилийн ой, “Бүртгэл санхүү, эдийн засгийн ажилтны өдөр” тохиож буй. Энэхүү өдрийг тохиолдуулан Зам, тээврийн яамнаас салбарын  бүртгэл, санхүү, эдийн засгийн ажилтнуудын дунд сургалт, зөвлөгөөнийг зохион байгууллаа.

Зөвлөгөөний үеэр Зам, тээврийн сайд Б.Дэлгэрсайхан баяр хүргэж, үг хэлэхдээ “Монгол Улсын Засгийн газраас агаарын харилцааг либералчлах, агаарын замын боомтын сэргэлтийг дэмжих, нисэхийн аюулгүй байдлын хангалтыг улам бүр сайжруулах бодлогын хүрээнд нисэх буудлуудын хүчин чадлыг нэмэгдүүлэх, бүсийн нислэгийн хөдөлгөөний нөөц төв байгуулах төслийг улсын төсвийн хөрөнгө оруулалтаар эхлүүлээд байна.

Цаашид бид улс орны эдийн засагт онцгой ач холбогдолтой олон чухал төслийг  салбартаа ээлж дараатай хэрэгжүүлэх болно. Зам тээврийн салбарыг хөгжлийн шинэ шатанд гаргах их үйлсэд салбарын нийт санхүүч, эдийн засагч, нягтлан бодогч та бүхний хүчин чармайлт онцгой чухал үүрэгтэйг онцлон тэмдэглэж байна” хэмээгээд” Монгол Улсын хөгжил дэвшилд зам, тээврийн салбар эдийн засгийн өсөлтийн нэг гол хөдөлгөгч хүч байх болно гэдэгт итгэл төгс байна” хэмээн онцлов.

Үүний дараа салбартаа олон жил үр бүтээлтэй ажилласан нэр бүхий хүмүүсийг Засгийн газрын болон яамны шагналаар шагналаа.

Санхүү, эдийн засгийн албаны хүндэт тэмдгээр:

• Г.Сумъяа – “Авто замын засвар арчлалтын нэгтгэл” ТӨХК-ийн нягтлан бодогч,
• Б.Одончимэг - “Авто замын засвар арчлалтын нэгтгэл” ТӨХК-ийн нягтлан бодогч,
• Ц.Мөнхнаран - “Авто замын засвар арчлалтын нэгтгэл” ТӨХК-ийн нягтлан бодогч

Санхүү, банкны тэргүүний ажилтан цол тэмдгээр:

• Д.Дэлгэрмаа – “Монголын төмөр зам” ТӨХК-ийн эдийн засагч,
• Х.Нямсүрэн - “Монголын төмөр зам” ТӨХК-ийн эдийн засагч,
• З.Уранзаяа - “Монголын төмөр зам” ТӨХК-ийн эдийн засагч

Нягтлан бодох бүртгэлийн тэргүүний ажилтан цол, тэмдгээр:

• С.Золзаяа – Төмөр замын газрын Ерөнхий нягтлан бодогч,
• Д.Урантуяа - “Авто замын засвар арчлалтын нэгтгэл” ТӨХК-ийн нягтлан бодогч,
• Д.Мөнх-Оргил - “Авто замын засвар арчлалтын нэгтгэл” ТӨХК-ийн нягтлан бодогч,
• Х.Баттулга - “Авто замын засвар арчлалтын нэгтгэл” ТӨХК-ийн нягтлан бодогч,
• О.Баянтуул - “Авто замын засвар арчлалтын нэгтгэл” ТӨХК-ийн нягтлан бодогч

Зам, тээврийн яамны Жуух бичгээр:

• Г.Энхтөр – “Монголын төмөр зам” ТӨХК-ийн эдийн засагч,
• Б.Отгонтуул – “Иргэний нисэхийн үндэсний төв” ТӨХХК-ийн ахлах нягтлан бодогч,
• Ц.Цэрэнсодном - “Иргэний нисэхийн үндэсний төв” ТӨХХК-ийн нягтлан бодогч,
• Б.Болормаа - “Иргэний нисэхийн үндэсний төв” ТӨХХК-ийн нягтлан бодогч,
• Б.Цэнгэлбаяр – “МИАТ” ТӨХК-ийн нягтлан бодогч

Сангийн яамны Жуух бичгээр:

• Б.Мөнхбаяр – “Зам, тээврийн хөгжлийн төв” ТӨҮГ-ын эдийн засагч,
• Т.Эрдэнэцэцэг – “Зам, тээврийн хөгжлийн төв” ТӨҮГ-ын тооцооны нягтлан бодогч,
• Н.Батдолгор - “Зам, тээврийн хөгжлийн төв” ТӨҮГ-ын нярав,
• Ж.Баянжаргал – “Монголын төмөр зам” ТӨХК-ийн нягтлан бодогч, нярав,
• Б.Номин – Монгол Улсын Далайн захиргаан дотоод аудитор нарыг тус тус шагналаа.