ТАНИЛЦУУЛГА

ЗАМ, ТЭЭВРИЙН ЯАМ, ХАРЬЯА АГЕНТЛАГТ ИРҮҮЛСЭН ӨРГӨДӨЛ, ГОМДЛЫН ШИЙДВЭРЛЭЛТИЙН ТУХАЙ

 Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль, Засгийн газрын 2005 оны “Иргэдийн өргөдөл, гомдлыг шийдвэрлэхтэй холбогдсон зарим арга хэмжээний тухай“ 67 дугаар тогтоолын хүрээнд Зам, тээврийн яам, агентлага болон холбогдох албан тушаалтанд 2025 оны гуравдугаар улиралд иргэдээс ирүүлсэн өргөдөл, гомдол шийдвэрлэлтийн мэдээг нэгтгэн танилцуулж байна.

1. Зам, тээврийн яам болон харьяа Иргэний нисэхийн ерөнхий газар, Төмөр замын газарт 2025 оны гуравдугаар улирлын байдлаар нийт 1221 өргөдөл, гомдол, санал хүсэлт ирүүлснээс хуулийн хугацаанд шийдвэрлэсэн 1202, хяналтад хугацаа болоогүй 80 өргөдөл, гомдол, шийдвэрлэлт 98,4 хувийн үзүүлэлттэй байна.
2. Засгийн газрын Иргэд, олон нийттэй харилцах 11-11 төвд 2025 оны гуравдугаар улиралд Зам, тээврийн яаманд 753, Иргэний нисэхийн ерөнхий газарт 40, нийт 793 гомдол, санал, хүсэлт ирүүлсэн бөгөөд шийдвэрлэлт 90,3 хувьтай байна.

Засгийн газрын Иргэд, олон нийттэй харилцах 11-11 төвд ирүүлсэн гомдлын дийлэнх хувийг авто тээврийн үндэсний төвийн ажиллах хүч, цагийн хуваарь, хот хоорондын нийтийн тээврийн тасалбар буцаалт, ачаа тээвэр, хүнд даацын авто машины жингийн стандарт, төлбөр хураах цэгийн төлбөр, шилжилт хөдөлгөөн, авто машины дугаар олголт, үйл ажиллагаатай холбоотой гомдлууд эзэлж байна.

Зам, тээврийн яам харьяа Иргэний нисэхийн ерөнхий газар, Төмөр замын газарт хандаж иргэдээс ирүүлсэн өргөдөл, гомдлын хувьд шагнал урамшуулал, байгууллагын үйл ажиллагаа, хөдөлмөрийн харилцаатай холбоотой өргөдөл дийлэнх хувийг эзэлж байна.

          Өргөдөл, гомдлын шийдвэрлэлтийн тайланг хүснэгтээр хавсаргав.