Иргэний нисэхийн үндэсний төв ТӨХХК-д хийсэн

санхүүгийн хяналт шалгалтын тухай

          Иргэний нисэхийн тухай хууль, Засгийн газрын 2015 оны 483 дугаар тогтоолын хавсралтаар баталсан “Дотоод аудитын дүрэм”, Сангийн сайдын 2016 оны 107 дугаар тушаалын хавсралтаар баталсан “Санхүүгийн хяналт шалгалтын стандарт” болон бусад хууль, тогтоомжийг үндэслэн Зам, тээврийн сайдын 2025 оны 05 дугаар сарын 27-ны өдрийн баталсан удирдамжийн дагуу “Иргэний нисэхийн үндэсний төв”-ийн төсөв санхүүгийн үйл ажиллагаа болон дотоод хяналтын үйл ажиллагаанд үнэлэлт, дүгнэлт өгөх, хяналт, шалгалтаар илэрсэн зөрчил дутагдлыг арилгуулах, давтан гаргахгүй байх талаар арга зүйн зөвлөгөө өгөхөд санхүүгийн хяналт, шалгалтын ажлын зорилго чиглэгдсэн.

Хяналт, шалгалтыг 2025 оны 05 дугаар сарын 26-ны өдрөөс 08 дугаар сарын 17-ны өдрийн хооронд хийж гүйцэтгэлээ.

Эрсдэл тооцох суурь оноор 2024 оныг сонгож, бусад онуудын үйл ажиллагааг түүвэрлэн үзэх замаар хяналт шалгалтад дараах асуудлуудыг хамруулсан. Үүнд:

1. Төсөв, санхүүгийн холбогдолтой хууль тогтоомж, Засгийн газрын шийдвэр болон тэдгээрийг үндэслэн эрх бүхий байгууллагаас гаргасан дүрэм, журам, заавар, стандарт, гэрээний хэрэгжилт;
2. Өр, авлага барагдуулалт;
3. Өмч хөрөнгийн ашиглалт, зарцуулалт, хадгалалт, хамгаалалт;
4. Анхан шатны болон нягтлан бодох бүртгэлийн хөтлөлт, санхүүгийн тайлан гаргалт;
5. Төсвийн хөрөнгө оруулалтын ашиглалт, зарцуулалт, үр дүн;
6. Өмнө хийгдсэн шалгалтууд, төлбөр зөрчил, түүний барагдуулалт;
7. Сангийн яамнаас ирүүлсэн гомдол, түүний шийдвэрлэлт
8. Бусад

Цаг, хугацааг хэмнэх зорилгоор 2024 оны төсөв санхүүгийн үйл ажиллагааны хүрээнд зарим асуудлыг сэдэвчилсэн, түүвэрлэсэн байдлаар, мөн учир шалтгааныг эцэслэн тогтоох зорилгоор өмнөх онуудын баримт материалыг татан үзэх замаар хяналт, шалгалтыг гүйцэтгэсэн болно.

Шалгалтын хүрээнд нийт 10 зөрчил илэрсэн ба ямар эрх зүйн орчин зөрчигдсөн, цаашид хэрхэн зөрчил арилгах, дахин гаргахгүй байх талаар зөвлөмж хүргүүлсэн.

Мөн 5 асуудлын хүрээнд холбогдох эрх бүхий байгууллагатай хэрхэн хамтран ажиллах, цаашид ямар арга хэмжээ авч ажиллах зөвлөмж, санал өгч ажилласан.