Төрийн хяналт шалгалтын тухай хуулийн 5 дугаар зүйлийн 5.1 дэх хэсэг, 5² дугаар зүйлийн 5².1, 5².2 дахь хэсэг, 10 дугаар зүйлийн 10.12 дахь хэсэг, Монгол Улсын Засгийн газрын 2022 оны 479 дүгээр тогтоолын 1 дүгээр хавсралтаар баталсан “Хяналт шалгалт хийх нийтлэг журам”-ын 6.3, 7.1 дэх заалтууд, Салбарын улсын ерөнхий байцаагчийн 2026 оны 04/01 дугаартай төлөвлөгөөт бус хяналт шалгалтын удирдамжийг тус тус үндэслэн Улсын чанартай А0602 дугаартай Хархорин-Цэцэрлэг чиглэлийн авто замын зурвас газарт газар эзэмшүүлэх тухай Архангай аймгийн Иргэдийн төлөөлөгчдийн хурлын 2025 оны 08/51 дугаар тогтоол нь Авто замын тухай хуулийг зөрчиж байгаа талаар Архангай аймгийн Эрдэнэбулган сумын нэр бүхий иргэдээс гаргасан гомдлын дагуу Төрийн хяналт шалгалтын тухай хуульд заасан нийтлэг эрх, үүргийн хүрээнд хяналт шалгалт хийлээ.

Ажлын хэсэг улсын чанартай А0602, А0603 дугаартай Хархорин-Цэцэрлэг-Тосонцэнгэл чиглэлийн авто замын зурвас газар

Улсын чанартай А0602, А0603 дугаартай Хархорин-Цэцэрлэг-Тосонцэнгэл чиглэлийн авто замын Архангай аймгийн Эрдэнэбулган сум дайран

өнгөрч буй хэсэг

Архангай аймгийн Газрын харилцаа, барилга, хот байгуулалтын газрын удирдах ажилтнуудтай уулзалт хийж байгаа нь

        Зам, тээврийн яамны салбарын ерөнхий байцаагчийн баталсан 04/01 дугаартай удирдамжийн дагуу Архангай  аймагт улсын чанартай А0602, А0603 дугаартай Цэцэрлэг-Тосонцэнгэл-Түдэвтэй чиглэлийн авто замын зурвас газарт хяналт шалгалтыг Зам, тээврийн яамны Салбарын хяналт-шинжилгээ, үнэлгээ, дотоод аудитын газрын шинжээч, авто замын хяналтын Улсын ахлах байцаагч Ц.Батжаргал, Авто замын бодлого зохицуулалтын газрын Замын ашиглалт, засварын хэлтсийн ахлах мэргэжилтэн Д.Оюунбилэг, Архангай аймгийн Засаг даргын Тамгын газрын Салбарын хяналт зохицуулалтын хэлтсийн авто замын хяналтын Улсын байцаагч Д.Дагвийхорол нарын бүрэлдэхүүнтэй, “АЗЗАНэгтгэл” ТӨХК-ийн Архангай аймаг дахь салбарын менежер Ю.Ганзориг, Архангай аймгийн Газрын харилцаа, барилга, хот байгуулалтын газрын дарга Ч.Отгонжаргал, Газар зохион байгуулалт, төлөвлөлт, газар өмчлөлийн асуудал хариуцсан ахлах мэргэжилтэн Ж.Ундрах нарыг байлцуулж иргэдийн төлөөлөл Б.Жигжидсүрэн, Б.Ариунболд нарыг оролцуулж холбогдох баримт бичгүүдтэй тус тус танилцаж 2026 оны 01 дүгээр сарын 14-16-ны өдрүүдэд гүйцэтгэлээ.

Шалгалтаар Авто замын тухай хуулийн 4 дүгээр зүйлийн 4.1.8-д "Авто замын зурвас газар" гэж замын хөдөлгөөний аюулгүй байдлыг хангах, технологийн үйл ажиллагаа явуулах, цаашид авто замыг өргөтгөх зориулалтаар энэ хуулийн 16 дугаар зүйлд заасны дагуу тогтоосон газар”-ыг тодорхойлж заасан бөгөөд мөн хуулийн 12 дугаар зүйлийн 12.1.2-т “Авто замын тухай хууль тогтоомж, Засгийн газрын шийдвэр, авто замын асуудал эрхэлсэн төрийн захиргааны төв байгууллагын шийдвэрийг харьяалах нутаг дэвсгэртээ хэрэгжүүлэх”, 12.1.9-д “Аймаг, сум, нийслэл, дүүргийн Засаг дарга нь газар зохион байгуулалтын ерөнхий төлөвлөгөө боловсруулж, батлуулахдаа авто замын асуудал эрхэлсэн төрийн захиргааны төв байгууллагын саналыг авч тусгах”, 16 дугаар зүйлийн 16.4-д ”Онцгой тохиолдолд олон улс, улсын чанартай болон тусгай зориулалтын авто замын зурвас газрын өргөнийг тухайн авто зам болон газар нутгийн онцлогтой уялдуулан авто замын асуудал эрхэлсэн төрийн захиргааны төв байгууллага, … холбогдох норм, дүрмийн хүрээнд өөрөөр тогтоож болно” гэж, мөн хуулийн 16.6-д “Олон улс, улсын чанартай болон тусгай зориулалтын авто замын зурвас газарт газар өмчлүүлэхийг хориглох бөгөөд газар түр эзэмшүүлэх асуудлыг авто замын асуудал эрхэлсэн төрийн захиргааны төв байгууллага шийдвэрлэнэ” гэж тус тус заасан байдаг.

Улсын чанартай А0602, А0603 дугаартай Хархорин-Цэцэрлэг-Тосонцэнгэл чиглэлийн авто замын 8.8 км хэсэг нь Архангай аймгийн Эрдэнэбулган сумын төвийг дайран өнгөрдөг бөгөөд Засаг даргын 2025 оны А/509, А/557 дугаартай захирамжаар энэхүү улсын чанартай 8.8 км авто замын зурвас газрыг 20 болон 25 метр өргөнтэй байхаар өөрчлөн тогтоож, уг захирамжийн дагуу аймгийн иргэдийн Төлөөлөгчдийн Хурлын 2025 оны 08/51 дугаар тогтоолоор улсын чанартай авто замын зурвас газарт дуудлагаар газар эзэмшүүлэхээр шийдвэрлэсэн нь дээрх дурдсан хуулийн заалтууд болон Монгол улсын засаг захиргаа, нутаг дэвсгэрийн нэгж, түүний удирдлагын тухай хуулийн 66.1-д “Засаг дарга энэ хууль болон бусад хууль тогтоомжид заасан бүрэн эрхээ хэрэгжүүлэхдээ өөрийн эрх хэмжээний хүрээнд хууль тогтоомжид нийцүүлэн захирамж гаргана” гэж заасныг зөрчсөн байна.

1. Архангай аймгийн Засаг даргад 2025 оны А/509, А/557 дугаартай захирамжийн үндэслэл болон дээрх гомдол, мэдээлэл, улсын чанартай авто замын зурвас газрын өргөнийг багасгасан талаарх асуудлыг шийдвэрлэж, хариуг тус яаманд ирүүлэх тухай 2026 оны 01 дүгээр сарын 30-ны өдрийн 02/496 тоо албан бичиг;
2. Газар зохион байгуулалт, геодези зураг зүйн ерөнхий газарт газар зохион байгуулалт хариуцсан ерөнхий байгууллагын хувьд 2026 онд “газар эзэмшүүлэх, ашиглуулах газрын байршил, хэмжээ, зориулалтын жагсаалт батлах тухай” Засгийн газрын тогтоолын төсөлд улсын чанартай авто замын зурваст газар олгохгүй байхаар тусгахын зэрэгцээ энэ талаар 21 аймгийн Газрын харилцаа, барилга, хот байгуулалтын газарт үүрэг чиглэл хүргүүлэх тухай 2026 оны 01 дүгээр сарын 27-ны өдрийн 02/444 дугаартай тус тус хүргүүлж ажиллалаа.

СХШҮДАГ