Зам, тээврийн сайд Б.Дэлгэрсайхан Бүгд Найрамдах Франц Улсад хийж буй албан айлчлалынхаа хүрээнд өнөөдөр (2026.02.19) төмөр замын дэд бүтэц, дохиолол, автоматжуулалт, өндөр хурдны галт тэрэг, хотын нийтийн тээврийн ухаалаг шийдлээр дэлхийд тэргүүлэгч “Alstom” компанийн Төсөл, экспорт, санхүүжилт хариуцсан захирал Мари-Лоренс Роберттой уулзлаа.

”Alstom” нь өндөр хурдны галт тэрэг, хотын нийтийн тээврийн технологийг хөгжүүлж, олон улсын зах зээлд нийлүүлдэг компани юм.

Уулзалтаар талууд хотын нийтийн тээврийн хөгжил, дэд бүтцийн санхүүжилт, технологи нэвтрүүлэх боломжийн талаар санал солилцов.

Мөн Монгол Улсын төмөр зам, нийтийн тээврийн салбарт дэвшилтэт технологи, тогтвортой хөгжлийн шийдлийг нэвтрүүлэх, туршлага судлах, зөвлөгөө мэдээлэл солилцох чиглэлээр хамтран ажиллах тухай хэлэлцэв.