Монгол Улсын Зам, тээврийн яам болон БНСУ-ын Дуньян их сургуулийн хамтын ажиллагааны хүрээнд төмөр замын салбарын хүний нөөцийг бэлтгэх зорилготой тэтгэлэгт хөтөлбөрийг хоёр дахь жилдээ амжилттай зохион байгуулж байна. 

Эхний удаад 2025-2026 оны хичээлийн жилд суралцахаар явсан 17 оюутан зургаан сарын хэлний бэлтгэлээ амжилттай дүүргэн, албан ёсоор Глобал төмөр замын дэд бүтцийн ангийнхаа I курстээ элсэн суралцаж байгаа бол энэ удаад илүү олон хүүхдийг тэтгэлэгт хамруулахаар бүртгэлийн хугацааг 2026 оны дөрөвдүгээр сарын 15-ныг хүртэл сунгалаа. 

Энэ талаарх мэдээллийг зохион байгуулагчдын зүгээс өнөөдөр буюу 2026 оны гуравдугаар сарын 19-ний 15.30 минутаас дэлгэрэнгүй өгөхөөр болжээ. 

Тухайлбал, Дуньяны Их Сургууль болон Зам, тээврийн яамны хамтарсан 2026 оны (2 дахь удаагийн) тэтгэлэгт хөтөлбөрийн танилцуулгыг онлайнаар буюу Zoom уулзалт, фэйсбүүкийн шууд дамжуулалтаар өгөх юм. 

Танилцуулгыг тус сургуулийн профессор Hyuk Sang Jung хийнэ.

Zoom холбоос - https://us04web.zoom.us/j/78228744303?pwd=EycJ7vPcOtERqKE0M9j0TuanPlSkbU.1

• Meeting ID: 782 2874 4303
• Нууц үг: 953516

Facebook Live Шууд үзэх - https://www.facebook.com/batchimeg.banzragchgarav

Дэлгэрэнгүйг https://mrt.gov.mn/i/4891 линкээс харах боломжтой.