Зам, тээврийн салбарын 7 хоногийн /2026.03.16-2026.03.22/ статистик мэдээг танилцуулж байна.

Зорчигч тээвэр

2026.03.22-ны байдлаар салбарын хэмжээнд оны эхнээс өссөн дүнгээр нийт 44.0 сая зорчигч тээвэрлэж өмнөх оны мөн үетэй харьцуулахад 23.4%-аар өссөн байна. Үүнд:

• Автотээврээр оны эхнээс өссөн дүнгээр 43.2 сая зорчигч тээвэрлэсэн нь өмнөх оны мөн үетэй харьцуулахад 24.0%-аар өссөн ба үүнээс нийслэлийн тээврээр 42.8 сая зорчигч зорчжээ.
• Төмөр замаар оны эхнээс өссөн дүнгээр 313.0 мянган зорчигч тээвэрлэсэн нь өмнөх оны мөн үетэй харьцуулахад 12.8%-аар буурсан үзүүлэлттэй байна.
• Агаарын тээврээр оны эхнээс өссөн дүнгээр 482.7 мянган зорчигч тээвэрлэсэн нь өмнөх оны мөн үетэй харьцуулахад 10.6%-аар өсжээ.

Ачаа тээвэр

2026.03.22-ны байдлаар салбарын хэмжээнд оны эхнээс өссөн дүнгээр нийт ачаа тээвэр 38.4 сая тонн болж өмнөх оны мөн үетэй харьцуулахад 48.3%-аар өссөн байна. Үүнд:

• Автотээврээр оны эхнээс өссөн дүнгээр 24.9 сая тонн ачаа тээвэрлэсэн нь өмнөх оны мөн үетэй харьцуулахад 50.5%-аар өссөн.
• Төмөр замаар оны эхнээс өссөн дүнгээр 13.5 сая тонн ачаа тээвэрлэсэн нь өмнөх оны мөн үетэй харьцуулахад 44.4%-аар өссөн.
• Агаарын тээврээр оны эхнээс өссөн дүнгээр 1.8 мянган тонн ачаа тээвэрлэсэн нь өмнөх оны мөн үетэй харьцуулахад 1.5%-аар өссөн байна.