ОХУ-ын Санкт-Петербург хотноо (2026.04.01) “Олон улсын тээвэр, логистикийн форум-2026” эхэллээ. Энэхүү форумыг ОХУ-ын Засгийн газар болон ОХУ-ын Тээврийн яам хамтран зохион байгуулж байгаа бөгөөд тус форумд дэлхийн 60 гаруй улс орны тээврийн сайд нар, салбарын удирдах албан тушаалтнууд, ОХУ-д суугаа дипломат төлөөлөгчид, бизнес эрхлэгчид, тээврийн салбарынхан өргөнөөр оролцож байна.

Энэхүү форум “Евразийн тээврийн коридорууд: интеграц ба тасралтгүй логистик” гэсэн нэгдсэн сэдвийн хүрээнд зохион байгуулагдаж байгаа бөгөөд үндсэн хуралдаанууд дэлхийн тээврийн системд тулгамдаж буй асуудлуудыг хэлэлцэж, оролцогч талуудын хамтын ажиллагааг илүү өргөн хүрээтэй өргөжүүлэн хөгжүүлэхэд чиглэж байна.