Энэ музей нь Орос болон Европтоо хамгийн томд тооцогддог бөгөөд 1978 онд анх байгуулагдсан байна. Одоо энэ музей нь төмөр замын сэдэвтэй 45 мянга гаруй үзмэрийг сан хөмрөгтөө хадгалж байна. Үүний дотор 100 гаруй түүхэн галт тэрэг, вагон зэрэг бодит техникүүд багтдаг бөгөөд зочид тэдгээрийг ойроос үзэж, төмөр замын түүхэн хөгжлийн үе шаттай танилцах боломжийг олгож өгчээ.

 

Төмөр замын музей нь XIX зууны, 1850-иад онд баригдсан Петергофын төмөр замын хуучин депогийн барилгын цогцолборт байрлаж байгаа нь музейн түүхэн үнэ цэнийг улам бүр нэмэгдүүлдэг юм байна. 2017 онд Оросын төмөр замын 180 жилийн ойгоор энэхүү шинэ байршилдаа төвхнөж, үүд хаалгаа нээжээ.

 

Энд “Зүтгүүрийн түүх", "Царское Селогоос Байгаль-Амурын гол шугам хүртэл", "Оросын дайны үеийн төмөр замууд" гэсэн сэдэвчилсэн үзэсгэлэнгээр зочлох боломжтой. Тус үзэсгэлэнгийн хамгийн эртний үзмэр нь 1830-аад оны Царское Село төмөр замын зорчигч тээврийн вагон байна. Хамгийн урт үзмэр нь 50-70 метр урт зорчигч тээврийн галт тэрэг байна.