ЗГХЭГ-ын Тэргүүн дэд даргын 2026 оны 480 дугаар тушаалаар байгуулагдсан Төрийн үйл ажиллагааг цахимжуулах, хүн хуулийн этгээдэд үзүүлэх үйлчилгээг цахим хэлбэрээр үзүүлэх, төрд байгаа мэдээллийг дахин шаардахгүй байх, “цахимаар түрүүнд” зарчмыг хэрэгжүүлэх ажлын хэсгийн төлөөлөл зам, тээврийн салбарын цахим шилжилттэй танилцан, салбарын ажлыг улам эрчимжүүлэх талаар чиглэл өгч өнөөдөр Зам, тээврийн яаманд ажиллав.

ЗГХЭГ-ын Дэд дарга С.Тэнгис, ЗТЯ-ны ТНБД-ын албан үүргийг түр орлон гүйцэтгэгч М.Баярмагнай, ЗГХЭГ-ын Мэдээлийн технологи, систем нэгтгэлийн газрын дарга Б.Билэгдэмбэрэл, тус газрын мэргэжилтэн Д.Дөлгөөн, ЗТЯ-ны БТГ-ын дарга Л.Баянзул, АТБЗГ-ын дарга Э.Мөнхнасан, БТГ-ын МТССХ-ийн дарга Д.Гэрэлням, шинжээч Д.Бодьсайхан, ахлах мэргэжилтэн Э.Шаарийбуу, ТЦҮЗГ Нийтийн мэдээллийн дэд бүтэц, нээлттэй өгөгдлийн газрын дарга Б.Баяртуяа, И-Монгол Академи газрын дарга Н.Чингүн, “АТҮТ” ТӨҮГ-ын Захиргаа, санхүү, хөрөнгө оруулалтын газрын дарга Ш.Эрдэнэбилэг, “Нийслэлийн автотээврийн хэрэгслийн бүртгэл хяналтын төв” НӨҮГ-ын дарга Э.Ниндэв, Нийслэлийн мэдээллийн технологийн газрын дарга Б.Түмэнбаяр, Нийтийн тээврийн бодлогын газрын дарга Г.Билгүүн, Улаанбаатар хөгжлийн корпорацийн төлөөллүүд оролцсон болно. Уулзалтаар ЗГХЭГ-аас Ажлын хэсэг зорилго чиглэлээ танилцуулж, ЗТЯ Зам, тээврийн салбарын цахим шилжилтийн талаар, АТҮТ ТӨҮГ өөрсдийн хэрэгжүүлж буй цахим үйл ажиллагаа, үйлчилгээний талаар тус тус танилцуулгa мэдээлэл хийж, талууд асуулт асууж, холбогдох санал солилцсон хүрээнд ЗГХЭГ-ын Дэд дарга С.Тэнгис үүрэг чиглэл өгөв.

Нийт бүрэлдэхүүн үргэлжлүүлэн АТҮТ-ийн Тээврийн хэрэгслийн бүртгэлийн Цирк салбарт ажиллаж, иргэд олон нийтэд үзүүлэх үйлчилгээг түргэн шуурхай чирэгдэлгүй болгож, цахим үйлчилгээний чанар, хүртээмжийг нэмэгдүүлэх талаар үүрэг чиглэл өгч, ойрын хугацаанд ЗТЯ-ны ТНБД-аар ахлуулсан Ажлын хэсэг байгуулж 2026 онд бодит ахиц, үр дүнд хүрэх ажлын төлөвлөгөө гарган ажиллахаар болов.