Цаг агаарын байдал муудаж, цаашид өвөлжилтийн байдал хүндрэх төлөвтэй байгаатай холбогдуулан Зам, тээврийн сайд М.Зоригт "Үүрэг хариуцлагыг чангатгах тухай" албан даалгавар гаргаж МИАТ ТӨХК, Галт тэрэгний хөдөлгөөн зохицуулалтын нэгдсэн төв УТҮГ, Улаанбаатар төмөр зам ХНН, Монголын төмөр зам ТӨҮГ, Авто тээврийн үндэсний төв ТӨҮГ, Зам, тээврийн хөгжлийн төв ТӨҮГ зэрэг байгууллагуудын захирлуудад  хэвийн үйл ажиллагааг хангаж, сахилга хариуцлагыг өндөржүүлэн ажиллах, үйлчилгээний чанар, аюулгүй ажиллагаанд  тавих хяналтыг сайжруулах талаар үүрэг өглөө.