Дэлхийн банкны хөрөнгө оруулалтаар 7039/9336-МN дугаартай “Монгол Улсын тээврийн холболт болон логистикийг сайжруулах төсөл”-ийг 2024 оноос хэрэгжүүлж эхэлсэн.

Төсөл хэрэгжсэнээр авто замын сүлжээний аюул осолгүй, ая тухтай, үр ашигтай зорчих нөхцөл эрс дээшилж, тээвэр ашиглалтын зардал буурах, цаг хугацаа хэмнэх, цаашлаад сүлжээний эдийн засгийн үр өгөөжийг нэмэгдүүлнэ.

Төсөл нь дараах 4 бүрэлдэхүүн хэсгээс бүрдэх юм.

Бүрэлдэхүүн 1. Дэд бүтцийн хөрөнгө оруулалт

Дэд бүрэлдэхүүн 1.1.   Стратегийн ач холбогдолтой авто замын сүлжээний гол хэсгүүдийн ашиглалтын нөхцөл байдлыг сайжруулах засвар арчлалт болон үр дүнд-суурилсан засвар, арчлалтын ажил

Дэд бүрэлдэхүүн 1.2.   Малчдыг холбох орон нутгийн зам барих

Дэд бүрэлдэхүүн 1.3.   Авто замын үндсэн хөрөнгийн менежмент сайжруулах

Бүрэлдэхүүн 2. Логистикийн үйлчилгээ

Дэд бүрэлдэхүүн 2.1.   Логистикийн төвүүдийн техник эдийн засгийн үндэслэл боловсруулах

Дэд бүрэлдэхүүн 2.2.   Логистик ба нийлүүлэлтийн сүлжээний платформ хөгжүүлэх

Дэд бүрэлдэхүүн 2.3.   Нийлүүлэлтийн сүлжээнд инноваци нэвтрүүлэх туршилтын төслүүд /программ хөгжүүлэх/

Дэд бүрэлдэхүүн 2.4.   Гэрээт логистик үйлчилгээний дүрэм журам, стандарт боловсруулах

Бүрэлдэхүүн 3. Техник туслалцаа ба чадавхыг бэхжүүлэх

Дэд бүрэлдэхүүн 3.1.   Махны экспортын тээвэр ба логистикийн стратегийн судалгаа хийх

Дэд бүрэлдэхүүн 3.2.   Төслийн менежмент, техникийн судалгаа ба чадавхыг бэхжүүлэх

Бүрэлдэхүүн 4. Болзошгүй онцгой байдлын үед авах хариу арга хэмжээ

Бүрэлдэхүүн 1 буюу Дэд бүтцийн хөрөнгө оруулалтын хүрээнд улсын чанартай нийт 361 км авто зам, нийт 876у/м, 7 гүүрийг шинэчлэн сайжруулах засварын ажил, 2 сумдыг холбох нийт 51 км орон нутгийн чанартай авто замыг барьж байгуулах ба эдгээр ажлууд нь нийт 13 багц гэрээт ажлын хүрээнд хэрэгжүүлэхээр төлөвлөн хэрэгжилтийг үе шаттайгаар ханган ажиллаж байна.

Төслийн хүрээнд хэрэгжих ажил, үйлчилгээнд зээлийн гэрээний дагуу Дэлхийн банкны байгаль орчин, нийгмийн хамгааллын 10 стандартыг мөрдлөг болгох ба энэ хүрээнд ажил тус бүрд Байгаль орчин, нийгмийн менежментийн төлөвлөгөөг Дэлхийн банкаар батлуулж мөрдөн ажиллах юм.

Төслийн хүрээнд хэрэгжих зам, гүүрийн барилгын ажлын гэрээт ажил тус бүрээр батлагдсан “Байгаль орчин, нийгмийн менежментийн төлөвлөгөө”-г холбогдох журмын дагуу олон нийтэд мэдээллэх шаардлагатай ба дор дурдсан гэрээт ажил тус бүрээр линк дээр дарж төлөвлөгөөтэй танилцана уу.