Монгол Улсын Зам, тээврийн яам, Төмөр замын газар болон БНХАУ-ын Бээжингийн зам, харилцааны их сургуулийн хамтын ажиллагааны хүрээнд хэрэгжиж буй “Монгол-Хятадын төмөр замын салбарын боловсон хүчин бэлтгэх хамтарсан тэтгэлэгт хөтөлбөр”-т хамрагдахыг урьж байна.

1. Сургуулийн танилцуулга

Бээжингийн Зам, харилцааны их сургууль /Beijing Jiaotong University/ нь БНХАУ-ын Боловсролын яамны харьяа, Боловсролын яам, Тээврийн яам, Бээжин хотын Ардын засгийн газар болон Хятадын Төмөр замын корпорацын хамтран байгуулсан улсын тэргүүлэх их сургууль юм. Тус сургууль нь анх “Төмөр замын удирдлагын институт” нэртэйгээр үүсгэн байгуулагдсанаас хойш өдгөө 130 жилийн түүхтэй, зам, тээврийн салбарын мэргэшсэн, цогц үйл ажиллагаа явуулдаг иж бүрэн сургууль болж өргөжөөд байна. Дэлгэрэнгүй мэдээллийг http://cie.bjtu.edu.cn сайтаар нэвтэрч танилцана уу.

2. Хөтөлбөрийн танилцуулга

Монгол Улсын Зам, тээврийн яам, Төмөр замын газар болон Бээжингийн Зам, харилцааны их сургуулийн хамтын ажиллагааны хүрээнд хэрэгжиж буй “Монгол-Хятадын төмөр замын салбарын боловсон хүчин бэлтгэх хамтарсан тэтгэлэгт хөтөлбөр” нь 2026-2027 оны хичээлийн жилд БНХАУ-ын Бээжингийн зам, харилцааны их сургуульд бакалавр, магистрын зэрэг олгох хөтөлбөрт хамрагдаж, төгссөнийхөө дараа төмөр замын төрийн өмчит компаниуд /“УБТЗ” ХНН, “МТЗ” ТӨХК, “ТТТЗ” ХХК/-д ажиллаж, улс орныхоо төмөр замын салбарын хөгжил дэвшил, бүтээн байгуулалтад хувь нэмрээ оруулах чин хүсэлтэй 15 тэтгэлэг горилогчдыг сонгон шалгаруулах зорилготой болно.

Гурав. Тэтгэлгийн мэдээлэл

Хамтарсан хөтөлбөрийн хүрээнд дараах 2 төрлийн тэтгэлэгт сонгон шалгаруулж суралцуулна. Үүнд:

• Хэлний бэлтгэлгүй шууд мэргэжлийн ангид элсэн суралцагчид /5 хүртэл оюутан/:

Санхүүжүүлэгч байгууллага:

1. БНХАУ-ын Бээжингийн зам, харилцааны их сургууль /Бээжин хотын Засгийн газрын “C” ангиллын тэтгэлэг/ - Үүнд сургалтын төлбөр, эрүүл мэндийн даатгалын хураамжийн хөнгөлөлт багтана. Сургалтын төлбөр бакалавр жилд 24.800 юань, магистр хятад хэл дээр 29.000 юань, англи хэл дээр 35.000 юань, эрүүл мэндийн даатгалын хураамж 800 юань байна.
2. “Улаанбаатар төмөр зам” ХНН-ийн тэтгэлэг - Оюутны дотуур байрны зардлын хөнгөлөлт үзүүлэх бөгөөд жилд 16.200-21.600 юань байна. 
3. Эдгээрээс бусад зардлыг суралцагчид өөрсдөө хариуцна. 

Бүрдүүлэх материал:

• Тэтгэлгийн өргөдлийн маягт /Сургуулийн бүртгэлийн системд мэдээллээ оруулж бүртгүүлсэнээр өргөдлийн маягт үүснэ/ - ЭНД дарж бүртгэлийн системийн дэлгэрэнгүй мэдээлэл авах боломжтой.
• Паспортын нүүр хуудас (хамгийн багадаа 6 сарын хүчинтэй)
• Хамгийн өндөр боловсролын диплом, дүнгийн хавсралтын нотариатаар баталгаажуулсан хувь, баталгаат орчуулгын хамт (хятад/англи хэлээр)
• Хэлний түвшин тогтоох шалгалтын батламж (HSK/IELTS/TOEFL)
• Суралцах/судалгааны төлөвлөгөө (хятад/англи хэлээр)
• Бакалавр: 1000 үгээс дээш 
• Магистр: 2000 үгээс дээш 
  • Намтар (CV) (хятад/англи хэлээр)
  • Дэд профессор болон түүнээс дээш зэрэгтэй 2 багшийн тодорхойлох захидал (зөвхөн магистрт шаардлагатай, хятад/англи хэлээр)
  • БНХАУ-д зорчих гадаадын иргэний эрүүл мэндийн үзлэгийн маягт (сүүлийн 6 сарын дотор хүчинтэй, англи хэлээр бөглөсөн байх)
  • Ял шийтгэлгүй тухай тодорхойлолт (сүүлийн 6 сарын дотор хүчинтэй, хятад/англи хэлээр)
  • Санхүүгийн баталгаа (сүүлийн 1 сарын банкны хуулга, үлдэгдэл 3000 ам.доллароос багагүй)
  • 18 нас хүрээгүй өргөдөл гаргагч нь Бээжин дэх хууль ёсны асран хамгаалагчийн материалыг хавсаргана.

Үндсэн шаардлага:

Хятад хэл дээрх хөтөлбөрт

• Хятад хэлний HSK 5 оноо ба түүнээс дээш;
• CSC шалгалт өгч 50-аас дээш оноо авсан байх.

Англи хэл дээрх хөтөлбөрт

• IELTS 6.0 ба түүнээс дээш, эсхүл TOEFL 80 ба түүнээс дээш оноотой байх.

Тусгай шаардлага:

Суралцаж төгссөний дараа эх орондоо буцаж ирж төрийн өмчит төмөр замын компаниудад 3-наас доошгүй жилийн хугацаанд тогтвор, суурьшилтай ажиллах.

• Хэлний бэлтгэлээс эхлэн суралцах оюутнууд /10 хүртэл оюутан/:

Санхүүжүүлэгч байгууллага: “Монголын төмөр зам” ТӨХК, “Тавантолгой төмөр зам” ХХК-иудын тэтгэлэг. Үүнд сургалтын төлбөр, дотуур байрны төлбөр, эрүүл мэндийн даатгалын хураамжийн хөнгөлөлт тус тус багтана.  Хэлний бэлтгэл жилд 22.000 юань, бакалавр 24.800 юань, магистр хятад хэл дээр 29.000 юань, англи хэл дээр 35.000 юань, дотуур байр 16.200-21.600 юань, эрүүл мэндийн даатгал 800 юань байна. Эдгээрээс бусад зардлыг суралцагчид өөрсдөө хариуцна.

Бүрдүүлэх материал:

• Тэтгэлгийн өргөдлийн маягт /Сургуулийн бүртгэлийн системд мэдээллээ оруулж бүртгүүлсэнээр өргөдлийн маягт үүснэ/
• Паспортын нүүр хуудас (хамгийн багадаа 6 сарын хүчинтэй)
• Хамгийн өндөр боловсролын диплом, дүнгийн хавсралтын нотариатаар баталгаажуулсан хувь, баталгаат орчуулгын хамт (хятад/англи хэлээр)
• Хэлний түвшин тогтоох шалгалтын батламж (HSK/IELTS/TOEFL)
• Суралцах /судалгааны төлөвлөгөө (хятад/англи хэлээр)

• Бакалавр: 1000 үгээс дээш 
• Магистр: 2000 үгээс дээш 
  • Намтар (CV) (хятад/англи хэлээр)
  • Дэд профессор болон түүнээс дээш зэрэгтэй 2 багшийн тодорхойлох захидал (зөвхөн магистрт шаардлагатай, хятад/англи хэлээр)
  • БНХАУ-д зорчих гадаадын иргэний эрүүл мэндийн үзлэгийн маягт (сүүлийн 6 сарын дотор хүчинтэй, англи хэлээр бөглөсөн байх)
  • Ял шийтгэлгүй тухай тодорхойлолт (сүүлийн 6 сарын дотор хүчинтэй, хятад/англи хэлээр)
  • Санхүүгийн баталгаа (сүүлийн 1 сарын банкны хуулга, үлдэгдэл 3000 ам.доллароос багагүй)
  • 18 нас хүрээгүй өргөдөл гаргагч нь Бээжин дэх хууль ёсны асран хамгаалагчийн материалыг хавсаргана.

Тусгай шаардлага:

Суралцаж төгссөний дараа эх орондоо буцаж ирж төрийн өмчит төмөр замын компаниудад 5-аас доошгүй жилийн хугацаанд тогтвор, суурьшилтай ажиллах.

Дөрөв: Тэтгэлэг горилогчдод тавигдах ерөнхий шаардлага:

1. Монгол Улсын иргэн байх, 6 сараас дээш хугацаагаар хүчинтэй энгийн гадаад паспорттой, БНХАУ-тай найрсаг харилцаатай, бие сэтгэцийн хувьд эрүүл, гэмт хэрэгт холбогдож байгаагүй, БНХАУ-ын хууль тогтоомж болон сургуулийн дүрэм журмыг хүндэтгэн сахин биелүүлэх.
2. Боловсрол, насны шаардлага

• Бакалавр: Бүрэн дунд боловсролтой, 25 наснаас доош
• Магистр: Бакалаврын зэрэгтэй, 35 наснаас доош
  • Бакалаврт элсэх бол ерөнхий боловсролын голч оноо 80-аас доошгүй, магистрын хөтөлбөрт элсэх бол голч оноо GPA 3.0-аас доошгүй;

3. Бусад төрлийн ижил ангиллын төрийн болон сургуулийн тэтгэлэг давхар хүртээгүй байх (нэг удаагийн шагнал урамшуулал хамаарахгүй).
4. Суралцаж төгссөний дараа эх орондоо буцаж ирж төрийн өмчит төмөр замын компаниудад заасан хугацаанд тогтвор, суурьшилтай ажиллах. Ажиллахгүй тохиолдолд сургалтын төлбөрийг эргүүлэн төлнө.

Тав. Элсэн суралцуулах мэргэжлүүд

Зургаа. Өргөдөл гаргах үйл явц

1. Бээжингийн Зам, харилцааны их сургуулийн Элсэлтийн бүртгэлийн https://bjtu.17gz.org/ системд бүртгүүлж, суралцах түвшнээ сонгон бүртгэлээ үүсгэнэ. Системд бүртгүүлэх заавар давхар оруулав.
2. Цахимаар өргөдлөө илгээсэндариуд өргөдлийн материалаа Зам, тээврийн яамны uyanga@mrt.gov.mn цахим шуудангаар 1 файл болгон давхар ирүүлнэ. /Гарчиг хэсэгт овог нэр, гадаад паспортын дугаар, өргөдлийн маягтын бүртгэлийн дугаараа бичнэ/
3. Өргөдөл гаргагчийн илгээсэн материалд үндэслэн аль төрлийн тэтгэлэгт хамрагдах боломжтойг Ажлын хэсэг холбогдох журмын дагуу тогтооно.
4. Өргөдөл хүлээн авах хугацаа: 06 дугаар сарын 30-ны өдрийн 12:00 цагт бүртгэл хаагдана.
5. Ажлын хэсэг сонгон шалгаруулалт /ярилцлага/-ыг Сургуультай хамтран зохион байгуулж → Элсэлтийн дүн зарлана.

Долоо: Анхаарах зүйлс

• Тэтгэлэгт хамрагдсан оюутнууд жил бүрийн үнэлгээнд хамрагдана. Үнэлгээнд тэнцээгүй тохиолдолд тэтгэлгийг түдгэлзүүлэх эсхүл цуцална.
• Давхар тэтгэлэг авах, худал мэдээлэл бүрдүүлэхийг хатуу хориглох бөгөөд зөрчил илэрвэл эрхийг цуцалж, олгосон санхүүжилтийг буцаан төлүүлнэ.

Найм: Холбоо барих

Шаардлагатай мэдээллийг Зам, тээврийн яамны 51-267188 дугаараас ажлын цагаар лавлана уу.